प्रधानमन्त्री देउवा र एमाले अध्यक्ष ओलीबीच भेटवार्ता

काठमाडौं । प्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओलीबीच भेटवार्ता सम्पन्न भएको छ । बुधबार प्रधानमन्त्री निवास वालुवाटार पुगेका ओली र देउवाबीचको चारबुँदामा छलफल भएको स्रोतले जनाएको छ ।

ओलीले भेटवार्तामा सदनबाट पुनः पारित नागरिक विधेयक, टिआरसी विधेयर,निर्वाचन र मूल्य वृद्धिको विषयमा कुराकानी भएको छलफलमा सहभागी नेता विष्णु पौडेलले बताए ।

भेटवार्तामा ओलीले आगामी चुनाव विश्वनिय हुनेमा आशंका पैदा भएको र सत्ता गठबन्धनले दम्भ देखाएको विषयमा पनि कुरा भएको पौडेलले बताए ।

झण्डै डेढ घण्टा भएको छलफलमा प्रधानमन्त्री शेरबहादुर देउवा सञ्चारमन्त्री ज्ञानेन्द्रबहादुर कार्की र एमालेबाट अध्यक्ष ओलीको साथमा संसदीय दलका उपनेता सुवास नेम्वाङ र उपाध्यक्ष विष्णु पौडेल सहभागी थिए ।