अल्फाबिटा कम्प्लेक्सको अवैध संरचनामा महानगरले चलायो डोजर

काठमाडौं । काठमाडौं महानगरपालिकाले नयाँ बानेश्वरस्थित अल्फाबिटा कम्प्लेकसको अवैध संरचना डोजर लगाएर भत्काएको छ ।

अवैध संरचना हटाउने अभियान क्रममा आज विहान अनुगमनको लागि बानेश्वर पुगेका मेयर बालेन शाह र अल्फा हाउसका प्रतिनिधिबीच भनाभन परेको थियो ।

पार्किङका लागि छुट्याइएको स्थानमा समेत कम्प्लेक्सले व्यापारका लागि संरचना बनाएको पाइएपछि महानगरपालिकाले बिहीबार दिउँसो डोजर चलाएको हो।

यसअघि कम्प्लेक्सका मालिकले अवैध संरचना हटाउन भन्दा उल्टै मेयर बालेन शाहसँग सवाल जवाफ गरेका थिए ।

विवादपछि फर्किएका घरको नक्सा र डोजर लिएर अल्फबिटा पुगेका मेयर शाहलाई अल्फाविटाका प्रतिनिधिले आफ्नो गल्ती स्वीकार गर्दै समय मागे पनि महानगरले डोजर लगाएर अवैध संरचना हटाएको हो ।