पछिल्लो २४ घण्टामा ४४४ जना कोरोना संक्रमित थपिए, ३ जनाको मृत्यु
प्रकाशित मिति : 25 August, 2022 5:51 pm
काठमाडौं । पछिल्लो २४ घण्टामा कोरोना संक्रमणबाट ४४४ जना संक्रमित थपिएका छन् भने ३ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार ४ हजार ९५४ जनाको परीक्षणमा ४४४ जनामा संक्रमण पुष्टि भएको हो ।
पछिल्लो २४ घण्टामा १ हजार ९९६जनाको पीसीआर परीक्षण गर्दा २११ जना र २ हजार ९५८ जनाको एन्टिजेन परीक्षण गर्दा २३३ जनामा संक्रमण देखिएको मन्त्रालयले जनाएको छ । त्यस्तै पछिल्लो २४ घण्टामा देशभर ३०७ जना संक्रमणमुक्त भएका छन् ।
यस्तै बिहीबार कोरोना संक्रिय संक्रमितको संख्या ४ हजार १९९ पुगेको मन्त्रालयले जनाएको छ ।
