भूमिगत तलालाई पार्किङको रुपमा प्रयोजन गर्न पोखरा महानगरको आग्रह

काठमाडौं । काठमाडौं महानगरपालिकाले महानगर क्षेत्र भित्रका अवैधानिक संरचना हटाउने अभियान थालेपछि त्यसको दवाव पोखरा महानगरपालिकामा पनि देखिएको छ ।

पोखरा महानगरपालिकाले आइतबार (आज) महानगर भित्रका भूमिगत तलालाई पार्किङको रुपमा प्रयोगमा ल्याउन सूचना प्रकाशित गरेको छ । नक्सा स्वीकृत गरी निर्माण भएका भूमिगत तला पार्किङका रुपमा ल्याउन घरधनीलाई आग्रह गरेको छ ।

महानगरपालिकाले ३५ दिने सूचना जारी गर्दै भनेको छ अन्य प्रयोजनका लागि प्रयोग गरिदैं आएका भूमिगत तला आइतबारको दिनदेखि ३५ दिनिभित्र खाली गरी पार्किङको रुपमा प्रयोगमा ल्याउन अनुरोध गरिन्छ, अन्यथा कानुन बमोजिम हुने व्यहोरा जानकारी गराईन्छ ।