शनिबार धादिङमा ९ घण्टा विद्युत् सेवा अवरुद्ध हुने
काठमाडौँ। शनिबार धादिङमा ९ घण्टा विद्युत् आपूर्ति सेवा अवरुद्ध हुने भएको छ । धादिङ वितरण केन्द्रले भोलि विहान ८ बजेदेखि बेलुका ५ बजेसम्म विद्युत् आपूति सेवा कटौती गर्ने नेपाल विद्युत् प्राधिकरणले जनाएको छ ।
शुक्रबार प्राधिकणले एक सूचना सार्वजनिक गर्दै धादिङ वितरण केन्द्र अन्र्तरगत धादिङबेसी, जहरे सल्यानटार तथा नौविसे सवस्टेसनबाट वितरण हुने विद्युत् सेवा अवरुद्ध हुने जनाएको हो ।
देविघाट देखी धादिङवेसी र जहरे सवस्टेशन सम्म तथा मातातिर्थ देखी नौविसे सवस्टेशन सम्म प्रशारण गरिएको ३३ के.भि. लाइनमा घरीघरी समस्या आएर अनियमित हुने गरेको तथा नजिकिदै गरेको चाडपर्वलाई समेत मध्य नजर गरि लाइन मर्मत गर्ने भएकाले विद्युत आपूर्ति सेवा बन्द गर्न लागेको प्राधिकरणले जनाएको छ ।
विद्युत लाइन मर्मतका साथै लाइन आसपासमा रहेका बाँस, घाँस र रुखका झाडिहरु हटाउने कार्य समेत गर्नु पर्ने प्राधिकरणबाट जारी सूचनामा भनिएको छ ।
विद्युत् आपूर्ति बन्दका कारण ग्राहक वर्गमा पर्न जाने असुविधाप्रति क्षमा माग्दै कार्य सकिएलगतै जुनसुकै बेला विद्युत सुचारु हुने जनाएको छ ।
