पछिल्लो २४ घण्टामा देशभर १४२ जना कोरोना संक्रमित थपिए
प्रकाशित मिति : 4 September, 2022 5:43 pm
काठमाडौं । पछिल्लो २४ घण्टामा देशभर १४२ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ३ हजार ४५० जनाको पीसीआर र एन्टीजेन परिक्षण गर्दा १४२ जनामा कोरोना संक्रमण पुष्टि भएको हो ।
१ हजार ७५६ जनाको पीसीआर परीक्षण गर्दा ११६ जना र १ हजार ६९४ जनाको एन्टिजेन परीक्षण गर्दा २६ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जानकारी दिएको छ ।
हालसम्म देशभर सक्रिय संक्रमितको संख्या २ हजार ५२८ पुगेको मन्त्रालयले जनाएको छ । त्यस्तै पछिल्लो २४ घण्टामा देशभर २३० जना कोरोना संक्रमित निको भएका छन् ।
