धुनिबेशी–३मा राती ९ बजेपछि व्यवसाय संचालन गर्न प्रतिबन्ध

काठमाडौँ । धुनिवेशी नगरपालिका वडा नम्बर–३ ले वडा भित्र रहेका किराना पसल, वर्कसप, होटल तथा रेष्टुरेन्ट संञ्चालक व्यवसायहरुलाई रातको ९ बजे पछि बन्द गर्ने निर्देशन दिएको छ ।

मदिरा सेवन गरि र जुवातास खेलाई रातको समयमा होहल्ला हुने भएकोले रातको समयमा व्यवसाय संचालनको लागि प्रतिबन्ध लगाएको वडाले जनाएको छ ।

यस्ता गतितिविधिले वरीपरीका स्थानीय बासिहरुलाई बाधा अवरोध हुन गएका कारण स्थानीयले पटक पटक गुनासो गरिरहेकाले यस्ता गतिविधिको रोकथाम गर्न निर्देशन दिएको वडाले जानकारी दिएको छ ।

वडा समितिले २१ गते बसेको बैठकबाट सोहि दिन देखि लागु हुने गरि मेडिकल सेवा बाहेक अन्य पसल तथा व्यावसलाई बन्द गर्ने निर्णय गरेको हो ।

कुनै पनि व्यवसायिहरुले अटेर गरी निर्देशनको उल्लङ्घन गरी होहल्ला तथा अन्य कुनै अभद्र व्यवहार गरेको देखिएमा ऐन बमोजिम कारबाही गर्ने वडाले जनाएको छ ।