सुनको मूल्य बढ्यो
प्रकाशित मिति : 20 September, 2022 11:39 am
काठमाडौं । नेपाली बजारमा आज मंगलबार सुनको मूल्य बढेको छ । नेपाल सुनचाँदी व्यवसायी महासंघको जानकारी अनुसार छापावाला सुनको मुल्य तोलामा ४०० रुपैयाँले बढेर तोलाको ९१ हजार ८०० रुपैयाँमा कारोबार भइरहेको छ ।
त्यस्तै आज तेजावी सुनको मूल्य पनि बढेको छ । आज तेजावी सुन तोलाको ९१ हजार ३०० रुपैयाँमा कारोबार भइरहेको छ ।
आज मंगलबार चाँदीको मुल्य पनि बढेको छ । महासंघका अनुसार चाँदी प्रतितोला ५ रुपैयाँ बढेर तोलाको ११८० रुपैयाँमा कारोबार भइरहेको महासंघले जनाएको छ । सोमबार चाँदी प्रतितोला ११७५ रुपैयाँमा कारोबार भएको थियो ।
