सुरक्षित यात्राको कामना गर्दै ट्राफिक प्रहरीले लगाए चालकलाई फूलमाला
प्रकाशित मिति : 27 September, 2022 12:41 pm
काठमाडौं । सुरक्षित यात्राको कामना गर्दै ट्राफिक प्रहरीले चालकलाई फूलमाला लगाएका छन् ।
चाडपर्वलाई लक्षित गरेर लामो दूरीमा चल्ने सवारी साधनका चालकलाई काठमाडौंको नयाँ बसपार्कमा फूलमाला लगाएर सुरक्षित यात्राको कामना गरिएको हो ।
काठमाडौं उपत्यका ट्राफिक प्रहरी कार्यालय, यातायात व्यवसायी र सामुदायिक सेवा केन्द्र वसपार्कका पदाधिकारीसहितको टोलीले चालकलाई माला लगाएर सुरक्षित यात्राको कामना गरेको उपत्यका ट्राफिक प्रहरी कार्यालयका प्रहरी नायव उपरीक्षक सन्तोष रोकाले जानकारी दिए ।
