वालिङमा सर्पले डसेर एक जनाको मृत्यु
प्रकाशित मिति : 10 October, 2022 3:24 pm
स्याङ्जा । स्याङ्जाको वालिङमा सर्पले डसेर एक पुरुषको मृत्यु भएको छ ।
स्याङ्जाको वालिङ नगरपालिका वडा नम्बर ८ बोगटीडाँडाका ४२ वर्षीय तिलबहादुर खाँणको उपचारका क्रममा गह्रौँ प्राथमिक अस्पताल वालिङमा ज्यान गएको वडा प्रहरी कार्यालय वालिङले जनाकारी दिएकाे छ ।
गएराति ११ः३० बजे सर्पले डसेपछि उपचारका लागि अस्पताल ल्याइएकामा त्यहाँ उपचार सम्भव नदेखिएपछि रिफर गरिएको थियो ।
उपचारका लागि लैजाने तयारी हुँदै गर्दा सोमबार बिहान ४ बजे खाँणको निधन भएको प्रहरीको भनाई छ । खाँणको बायाँ हातका दुई ठाउँमा सर्पले डसेको थियो । स्थानीयवासीले बिरामीसँगै सर्प पनि मारेर अस्पताल पुर्याएका थिए ।
