कार्तिक २० गते एमाले अध्यक्ष ओली स्याङ्जा जाने

स्याङ्जा । नेकपा एमालेका पार्टी अध्यक्ष केपी शर्मा ओली कार्तिक २० गते आइतबार स्याङ्जाको सदरमुकाम वालिङ जाने भएका छन् ।कार्तिक २० गतेकाे चुनावी सभालाई सम्बोधन गर्नको लागि ओली स्याङ्जा आउने नेपाल कम्युनिष्ट पार्टी एमाले जिल्ला निर्वाचन परिचालन कमिटी स्याङ्जाले जनाएको छ ।

स्याङ्जाको संघीय क्षेत्र नं १ मा नेपाली काँग्रेसका राजु थापा र नेकपा एमालेका नारायणप्रसाद मरासिनीबिच मुख्य प्रतिस्पर्धा हुने भएको छ । प्रतिनिधिसभा सदस्य चयन निर्वाचनमा थापा र मरासिनीबिच हुन लागेको यो लगातार तेस्रो पटकको प्रतिस्पर्धा हो ।

त्यस्तै प्रतिनिधिसभा सदस्यमा स्याङ्जा क्षेत्र नं २ बाट नेपाली कांग्रेसका उपसभापित धनराज गुरुङ र नेकपा एमालेकी सचिव पदमा अर्याल बिच प्रतिस्पर्धा हुन लागेको हो ।