सोसिडाडमाथि युनाईटेडको जित
काठमाडौं । इंग्लिस क्लब म्यानचेस्टर युनाईटेड युरोपा लिग फुटबलमा रियल सोसिडाडलाई हराएको छ । बिहीबार राति भएको खेलमा युनाइटेडले सोसिडाडलाई १-० गोल अन्तरले हराएको हो ।
युनाइटेडको जितमा एलेजान्ड्रो गर्नाचोले निर्णायक गोल गरे । उनले खेलको १७ औं मिनेटमा गोल गरेका थिए । उनले स्टार खेलाडी रोनाल्डोको असिस्टमा गोल गरेका थिए । हारसँगै सोसिडाड समूह इ बाट शीर्षस्थानमा रहेर अन्तिम १६ मा प्रवेश गर्यो । उसको ६ खेलबाट १५ अंक रह्यो ।
सोसिडाडममाथि जित निकाले पनि युनाइटेड समूह उपविजेतामै सिमित भएको छ । युनाइटेडले ६ खेलमा १५ अंक जोड्यो । युनाइटेडले अब फेब्रुअरीमा प्ले अफ खेल खेल्नेछ ।
सोसिडाड भने राउण्ड अफ १६ मा प्रवेश गरेको छ । सोसिडाड १५ अंक जोडेर शीर्ष स्थानमा रहदै नकआउट चरणमा पुगेको हो । समान खेलबाट समान अंक रहे पनि गोल अन्तरमा पछि पर्दै युनाइटेड दोस्रो स्थानमा रह्यो ।
