लागुऔषध सेवन गरी सवारी साधन चलाउने ४ जना पक्राउ
काठमाडौं । लागुऔषध सेवन गरी सवारी साधन चलाउने ४ जना पक्राउ परेका छन् । ट्राफिक प्रहरीले शनिवार काठमाडौंको जगाति क्षेत्रमा गरेको चेकजाँचका क्रममा ४ जना चालक पक्राउ गरेका हुन् ।
काठमाडौं उपत्यका ट्राफिक प्रहरी कार्यालय रामशाहपथ, लागुऔषध नियन्त्रण ब्युरो कोटश्वर, नेपाल प्रहरी अस्पताल, प्रहरी बृत जगातीको संयुक्त टोलिले चेकजाँच गर्ने क्रममा लागुऔषध सेवन गरी सवारी साधन चलाईहेको अवस्थामा ४ जना चालकलाई पक्राउ गरेको हो ।
झापाबाट काठमाडौं आउँदै गरेको बा४ख १९५६ नम्बरको हाइस माईक्रो चालक, बा२४प ११४६, बा७६प ५३८६ र प्रदेश ३(०२(००६ प ८२६ नम्बरको मोटरसाइकलका चालक लागुऔषध सेवन गरी सवारी साधन चलाइहेको अवस्थामा फेला परेका हुन् ।
४ जनालाई नै आवश्यक अनुसन्धान तथा कारवाहीका लागी प्रहरी वृत्त जगातीमा राखिएको काठमाडौं उपत्यका ट्राफिक प्रहरी कार्यालयका प्रहरी वरिष्ठ उपरीक्षक राजेन्द्र प्रसाद भट्टले जानकारी दिए ।
सवारी साधनका चालकहरुले लागुऔषध सेवन गरी सवारी साधन चलाए नचलाएको सम्बन्धमा प्राविधिक टोली सहित टि।एच।सि। किटको प्रयोग गरी गत साउन ९ गतेबाट ट्राफिक प्रहरीले चेकजाँच अभियान सुरु गरेको थियो ।
