मोरङ क्षेत्र नम्बर ३ मा मानबहादुर लिम्बुले गराए मनोनय दर्ता
काठमाडौं । मोरङ क्षेत्र नम्बर ३ को प्रदेश सभा १ मा नेपाली कांग्रेसले मानबहादुर लिम्बुले मनोनयन दर्ता गरेका छन् । यो क्षेत्रबाट नेपाली कांग्रेसका उम्मेदवार शेखरचन्द्र थापाको निधन भएपछि पार्टीले लिम्बुलाई उम्मेदवार उठाएको हो ।
बेलबारी नगरपालिका ८ का लिम्बुले समर्थकसहित गएर मनोनयन दर्ता गराएका हुन् । थापाको निधन भएपछि आयोगले उम्मेदवारी दर्ताको लागि कांग्रेसलाई आज १ बजेसम्मको समय दिएको थियो ।
यो क्षेत्रका उम्मेदवार शेखरचन्द्र थापाको निधन भएपछि नेपाली कांग्रेसले उनको स्थानमा बेलबारी नगरपालिका– ८ का लिम्बुलाई टिकट दिएको थियो ।
उम्मेदवार लिम्बु नेपाली कांग्रेस केन्द्रीय महाधिवेशन प्रतिनिधि तथा नेविसंघ मोरङका पूर्व सभापति हुन् ।
क्षेत्र नम्बर ३ को प्रदेश सभा १ का उम्मेदवार तथा प्रदेश १ का वन, वातावरण तथा भू–संरक्षणमन्त्री शेखरचन्द्र थापाको जटिल निमोनियाको कारण हिजो बुधबार निधन भएको थियो ।
