अबको केही वर्षमा माओवादी केन्द्रको विलय हुन्छ : रवीन्द्र मिश्र

काठमाडौं । राप्रपा नेपालका वरिष्ठ उपाध्यक्ष रवीन्द्र मिश्रले नेकपा माओवादी केन्द्र अबको केही वर्षमा विलय हुने बताएका छन्। शुक्रबार काठमाडौंमा आयोजित चुनावी सभालाई सम्बोधन गर्दै अबको केही वर्षमा माओवादीको विलय हुने र तीनवटा ठुला पार्टी रहने बताएका छन् ।

उनले भने, ‘माओवादी पेन्डुलमजस्तो भएकोले आफै विलय हुँदै जान्छ। या सानो सानो रहन सक्छ। तर, एमाले र कांग्रेस एउटै कित्ताका दुई नाम भएका पार्टी मात्रै हुन त्यसैले अब केही वर्षमा एमाले, कांग्रेस र राप्रपा मात्रै रहन्छन्।

यो देशको धर्म, संस्कृति र स्वाभिमान जोगाउने पार्टी राप्रपा मात्रै भएको दाबी गरे। उनले देश रूपान्तरणका लागि स्वतन्त्रहरूले केही गर्न नसक्ने बताउँदै राप्रापालाई भोट दिन आग्रह गरे ।