ब्राउन सुगरसहित दुई जना प्रकाउ
सिराह । सिराहामा ब्राउन सुगरसहित दुई जनालाई प्रहरीले नियन्त्रणमा लिएको छ। प्रकाउ पर्नेमा धनगढीमाई नपा १३ का २२ वर्षीय बलराम यादव र १८ वर्षीय हरिनारायण यादव रहेको प्रहरीले जनाएको छ ।
धनगढीमाई नगरपालिका ५ तेतिस बिघा सडकबाट १० ग्राम ९ सय २० मिलिग्राम अवैध लागु पदार्थ ब्राउन सुगरसहित उनीहरूलाई प्रहरीले नियन्त्रणमा लिएको हो ।
स.८ प. २२९९ नम्बरको मोटरसाइकलमा दक्षिणबाट उत्तरतर्फ आइरहेका बेला इलाका प्रहरी कार्यालय लहानबाट खटिएको प्रहरीले चेकजाँच गर्ने क्रममा उनीहरूको साथबाट २९ हजार नगदसहित ब्राउन सुगर जस्तो देखिने पदार्थसहित नियन्त्रणमा लिएको जिल्ला प्रहरी कार्यालय सिरहाका सूचना अधिकारी डीएसपी सुवाश बुढाथोकीले जानकारी दिए।
पक्राउ परेका उनीहरूलाई आजै जिल्ला अदालत सिराहाबाट लागु औषध कारोबार मुद्दामा म्याद थप गरी आवश्यक अनुसन्धान भइरहेको प्रहरीले जनाएको छ ।
