मध्यराति राप्रपाको कार्यालयमा तोडफोड
प्रकाशित मिति : 18 November, 2022 9:37 am
काठमाडौं । राष्ट्रिय प्रजातन्त्र पार्टी (राप्रपा) को कार्यालयमा तोडफोड भएको छ । राप्रपाको काठमाडौं निर्वाचन क्षेत्र नम्बर ५ को कार्यलयमा तोडफोड भएको हो ।
राप्रपाका प्रवक्ता मोहन श्रेष्ठका अनुसार कार्यालयमा बिहीबार मध्यराति तोडफोड भएको हो । कसले र किन तोडफोड गरेको भन्नेबार खुल्न नसकेको श्रेष्ठले बताएका छन् ।
काठमाडौं क्षेत्र नम्बर ५ मा राप्रपाबाट प्राध्यापक डा. रामप्रसाद उप्रेती, एमालेबाट ईश्वर पोखरेल र सत्ता गठबन्धनबाट कांग्रेस नेता प्रदीप पौडेल चुनावी प्रतिस्पर्धामा छन्।
