तनहुँको पुट्टारमा मतदान सुरु हुन सकेन
प्रकाशित मिति : 20 November, 2022 12:06 pm
काठमाडौं । एमाले कार्यकर्ता पक्राउ परेपछि तनहुँ घिरिङ १ पुट्टारको कृष्ण मावि मतदान केन्द्रमा मतदान सुरू हुन सकेको छैन ।
शनिबार घिरिङमा एमाले र कांग्रेस कार्यकर्ताबीच झगडा हुँदा दुई जना एमाले कार्यकर्ता पक्राउ परेका थिए । उनीहरूको रिहाइको माग गर्दै मतदान रोकिएको एमाले नेता विष्णुभक्त सिग्देलले बताए ।
उनका अनुसार सत्ताको पहुँच देखाउँदै एमाले कार्यकर्ता मात्र पक्राउ गरियो । उहाँहरूको रिहाइ नभइ मतदान सुरू हुन दिँदैन ।
