राष्ट्रिय सभा अध्यक्ष तिमिल्सिनाद्वारा पशुपति मावि ‘क’ केन्द्रबाट मतदान
प्रकाशित मिति : 20 November, 2022 12:41 pm
कुश्मा । राष्ट्रिय सभा अध्यक्ष गणेश प्रसाद तिमिल्सिनाले मतदान गरे । तिमिल्सिनाले पर्वतको मोदी गाउँपालिका –७ राम्जा स्थित पशुपति मावि केन्द्र ‘क’ बाट प्रतिनिधि सभा तथा प्रदेश सभा निर्वाचनमा मतदान गरेका हुन् ।
तिमिल्सिनाले सबै नेपाली जनतालाई निर्भिकताका साथ मतदान केन्द्रमा पुगेर आफ्नो मताधिकार प्रयोग गर्न अनुरोध गर्दै निर्वाचन सफलताको शुभकामना व्यक्त गरे ।
पर्वतमा मुख्या निर्वाचन अधिकृत आनन्द प्रसाद श्रेष्ठले पहिलो मतदान गरेर जिल्ला भर मतदान प्रक्रियाको शुभारम्भ गरेका थिए ।
उनले कुश्मा नगरपालिका स्थित कुश्मा बजारमा रहेको अस्थायी मतदान केन्द्रबाट प्रतिनिधि सभा सदस्यको समानुपातिक मतपत्रमा मतादान गरी मतदान कार्यक्रमको सुरुवात गरेका हुन् ।
