दार्चुलाको मालिकार्जुन मावि मतदान केन्दमा हवाई फायर, मतदान स्थगित

दार्चुला । दार्चुलाको मालिकार्जुन मावि ग्वानी वगौरा मतदान केन्द्रको स्थिती तनावग्रस्त भएको छ ।

दार्चुलाको शैल्यशिखर नगरपालिका ५ मालिकार्जुन मावि ग्वानी बगौरा मतदान केन्द्रमा विवाद भएपछि हवाई फायर गरेको प्रहरीले जनाएको छ ।

हवाई फायर पछि अहिले मतदान रोकिएको छ र मतदान सञ्चालनका लागि पहल भइरहेको स्थानीयले बताएका छन् ।

मतहाल्न पुगेका एक जना मतदाताको मत पहिल्यै अरुले हालेको पाएपछि सुरु भएको विवाद चर्किदै गएर स्थानीयहरुले ढुंगामुढा गरेपछि स्थिती नियन्त्रणमा लिन प्रहरीले ३ राउण्ड हवाई फायर गरेको जनाएको छ ।

विवादका क्रममा प्रहरीले सम्झाउने खोज्दा एक जना महिलाको टाउकोमा लठ्ठीले लागेपछि स्थानीयहरु आक्रोशित बनेर ढुंगामुढा गरेका थिए ।