स्याङ्जामा ५७ प्रतिशत मत खस्यो
प्रकाशित मिति : 21 November, 2022 12:13 pm
स्याङ्जा । प्रतिनिधिसभा र प्रदेशसभाको निर्वाचनमा स्याङ्जा जिल्लामा ५७।८५ प्रतिशत मत खसेको छ ।
२ लाख ४४ हजार ८९ मतदाता भएको जिल्लामा १ लाख ४१ हजार २ सय ५ जना मात्रै मतदानमा सहभागी भएको निर्वाचन कार्यालय स्याङ्जाले जानकारी दिएको छ ।
दुई निर्वाचन क्षेत्र भएको जिल्लाको क्षेत्र नम्बर १ मा साढे १२ बजेदेखि मतगणना सुरु हुनेछ भने क्षेत्र नम्बर २ मा गठबन्धनले धाँधली गरेको भन्दै अन्य दलका उम्मेदवारले पुन :निर्वाचनको माग गर्दै निर्वाचन आयोगमा उजुरी हालेका छन् ।
