बागलुङ–२ बाट नेकपा माओवादीका देवेन्द्र पौडेल विजयी
प्रकाशित मिति : 23 November, 2022 5:42 pm
काठमाडौं । बागलुङ–२ बाट प्रतिनिधिसभा सदस्यमा नेकपा माओवादी केन्द्रका सचिव तथा शिक्षामन्त्री देवेन्द्र पौडेल विजयी भएका छन् ।
पौडेलले नेकपा एमालेका मञ्जु शर्मा चालिसेलाई ४ हजार ५९९ मतान्तरले पराजित गर्दै विजयी भएका हुन् ।
पौडेलले २४ हजार ७७९ मत प्राप्त गरे भने उनका प्रतिद्वन्दी नेकपा एमालेका मञ्जु शर्मा चालिसेले २० हजार १८० मत प्राप्त गरेकी छिन् । पौडेल २०७४ सालको निर्वाचनमा प्रतिनिधिसभातर्फ निर्वाचित भएका थिए ।