मुख्यमन्त्री पोख्रेलको निर्देशन,‘राहत वितरण गर्दा दातालाई सहभागि नगराउनुहोला’
काठमाडौं, २४ चैत ।
प्रदेश ५ का मुख्यमन्त्री शंकर पोख्रेलले रहत वितरण गर्दा दातालाई सहभागि नगराउन स्थानीय निकायलाई निर्देशन दिएका छन् ।
आउने राहत संकलन गर्न र वितरण गर्दा दातालाई संलग्न नगराउन उनले निर्देशन दिएका हुन् ।
मुख्यमन्त्री पोख्रेलले सामाजिक सञ्जाल फेसबुकमा भनेका छन्,‘दाताले प्रदान गर्ने राहत पालिका र वडा कार्यालयले संकलन गर्ने व्यवस्था मिलाउनु होला । तर, राहत वितरण गर्दा कुनै पनि दातालाई सहभागि नवनाउनु होला ।’
मुख्यमन्त्री पोख्रेलले तराईका कतिपय पालिका र वडाहरुले राहत वितरण गर्दा भिडभाड देखिएको भन्दै सामाजिक दुरी कायम गराउन भनेका छन् ।
भिडभाड हुने देखिएको ठाँउमा ठाँउमा टोल संस्था मार्फत वितरणको व्यवस्था मिलाउन मुख्यमन्त्री पोख्रेलको आग्रह छ ।
राहत पाउन योग्य परिवारको पहिचान गरी सामाजिक दुरी कायम गरेर मात्र राहत वितरण गर्न गराउन पनि उनले भनेका छन् ।
