ओलीलाई भेट्न बालकोट पुगे लामिछाने
प्रकाशित मिति : 25 December, 2022 2:12 pm
काठमाडौँ । राष्ट्रिय स्वतन्त्र पार्टीका सभापति रवि लामिछाने एमाले अध्यक्ष केपी शर्मा ओलीलाई भेट्न उनको निवास बालकोट पुगेका छन् ।
एमाले नेताहरू माओवादीसँगको सम्भावित गठबन्धनको प्रयासमा लागिरहेका बेला लामिछाने बालकोट पुगेका हुन् । लामिछानेको दलसँग २० जना सांसद छन् ।
सत्ता गठबन्धनको बैठकमा माओवादी अध्यक्ष पुष्पकमल दाहाल र कांग्रेस सभापति शेरबहादुर देउवाले प्रधानमन्त्री पदमा आफ्ना अडान नछाडेपछि सत्ता गठबन्धन टुट्ने अवस्थामा पुगेको छ ।
राष्ट्रपति विद्यादेवी भण्डारीले सरकार गठनका लागि आइतबार साँझ ५ बजेसम्मको समयसीमा दिएकी छन् ।
