प्रधानमन्त्री पुष्पकमल दाहालद्वारा पोखरा अन्तर्राष्ट्रिय विमानस्थल उद्घाटन
प्रकाशित मिति : 1 January, 2023 2:32 pm
पोखरा । प्रधानमन्त्री पुष्पकमल दाहाल प्रचण्डले पोखरा अन्तर्राष्ट्रिय विमानस्थल आज उद्घाटन गरेका छन् ।
आइतबार पोखरामा आयोजित एक कार्यक्रममा प्रधानमन्त्री दाहालले पानस दीप बालेर विमानस्थलको उद्घाटन गरेका हुन् ।
देशकै प्रमुख पर्यटकीय गन्तव्य पोखरामा निर्माण भएको पोखरा अन्तर्राष्ट्रिय विमानस्थल देश बाहिर समेत सन्देश दिन जनवरी १ मा उद्घाटन गरिएको हो । उद्घाटन समारोहमा पोखराबासीको उत्साहजनक सहभागीता रहेको छ। उद्घाटनका अवसरमा विमानस्थलमा हेलिकप्टरबाट पुष्पवृष्टि गरिएको थियो ।
प्रधानमन्त्री पुष्पकमल दाहाल ‘प्रचण्ड’सँगै अर्थमन्त्री विष्णु पौडेल बिहान काठमाडौंबाट पोखरा अन्तर्राष्ट्रिय विमानस्थलमा अवतरण गरेका हुन् ।
