यतीकाे विमान दुर्घटनाः दुर्घटनास्थलमा भेटियो ब्ल्याक बक्स, हराइरहेका चार जनाको खोजीकार्य जारी

कास्की । पोखरामा आइतबार बिहान दुर्घटनामा परेको यती एयरलाइन्सको एटिआर–७२ विमान दुर्घटनामा ६८ जनाको शव भेटिएको छ । गण्डकी प्रदेश प्रहरीका अनुसार आइतबार ६३ शव भेटिएकोमा सोमबार बिहान थप ५ वटा शव फेला पारिएको हो ।

प्रहरीका अनुसार मृतकमध्ये सोमवार अपराह्णसम्म ३७ जनाको मात्र शव पहिचान भएको छ। विमानमा सवार ७२ जनामध्ये हराइरहेका चार जनाको खोजी कार्य जारी छ। सबै शव पोखरा स्वास्थ्य विज्ञान प्रतिष्ठानमा राखिएको छ । अहिले शवको पहिचानको काम भइरहेको छ ।

सेती नदी खोँचमा दुर्घटना भएको विमानको भग्नावशेषमा ब्ल्याक बक्स भेटिएको नागरिक उड्डयन प्राधिकरणले जानकारी दिएको छ।

खोँचमा फेला परेको उक्त ब्ल्याक बक्स उच्चस्तरीय जाँचबुझ समितिलाई बुझाउने तयारी छ ।