टर्कीमा भूकम्पबाट मृत्यु हुनेको संख्या ३ सय पुग्यो

काठमाडौं । टर्कीमा शक्तिशाली भूकम्प जाँदा मृत्यु हुनेको संख्या ३ सय पुगेको छ । टर्कीमा सोमबार गएको ७.८ म्याग्निच्युटको भूकम्पका कारण दुई देशमा तीन सय जनाको मृत्यु भएको अन्तरािष्टय संचारमाध्यामहरुले जनाएका छन् ।

उक्त भूकम्पमा सयौं व्यक्तिहरु घाइते भएका छन् भने ठूलो संख्यामा भौतिक संरचनाहरु पनि ध्वस्त भएका छन् ।

भूकम्पले पुर्याएको क्षति पछि टर्की सरकारले देशमा संकटकाल घोषणा गरेको छ । टर्कीका गृहमन्त्रीले देशका १० वटा शहरमा भूकम्पले बढी क्षति पुर्‍याएको बताएका छन् ।

भूकम्पको धक्का साइप्रस, लेबनान, इजरायल र प्यालेस्टाइनमा समेत महसुस गरिएको थियो ।

त्यसलगत्तै सिरियाको स्वास्थ्य मन्त्रालयका अनुसार २३० जनाको मृत्‍यु भएको छ । यस्तै टर्कीका अधिकारीहरुले आफ्नो देशमा ७६ जनाको मृत्‍यु भएको र ४४० जना घाइते भएको बताएका छन् ।