स्याङ्जामा जिप दुर्घटना हुँदा एक घाइते

स्याङ्जा । स्याङ्जाको वालिङ नगरपालिकामा जिप दुर्घटना हुँदा एक जना घाइते भएका छन् ।

सोमबार दिउँसो १२ बजे वालिङ नगरपालिका वडा नम्बर ११ सिर्सिकोट छापास्थित बायटारी सिर्सीकोट भित्र सडक खण्डमा सिर्सिकोटबाट वालिङतर्फ आउँदै गरेको लु १ ज २५३६ नम्बरको जिप दुर्घटना हुँदा एक जना घाइते भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायव उपरीक्षक रबिन्द्र खनालले जानकारी दिए ।

जिप अनियन्त्रित भई सडकदेखि ८ मिटर तल खस्दा वालिङ नगरपालिका वडा नम्बर ११ सिर्सिकोट छापा बस्ने ३४ वर्षीय बिजय गोतामे घाइते भएका हुन् ।

गोतामेको टाउको र अनुहारमा चोट लागेकोमा प्राथमिक स्वास्थ्य केन्द्र वालिङमा सामान्य उपचार पश्चात थप उपचारको लागि पोखरा रिफर गरिएको जिल्ला प्रहरीले कार्यालय स्याङ्जाले जनाएको छ ।