टर्की भूकम्प: मृत्यु हुनेको संख्या १५ हजार नाघ्यो

काठमाडौं । सोमबार टर्की र सिरियामा गएको शक्तिशाली भुकम्पमा परी मृत्यु हुनेको संख्या १५ हजार नाघेको छ । संख्या अझै बढ्नसक्ने अन्तर्राष्ट्रिय सञ्चारमाध्यमहरूले बताएका छन् ।

टर्कीको विपद्सम्बन्धी निकायका अनुसार ज्यान गुमाउनेहरूको सङ्ख्या १२ हजार ३९१ पुगेको छ भने ६२ हजार ९१४ जना घाइते भएका छन् । उता सिरियाको स्वास्थ्य मन्त्रालयलाई प्राप्त सूचना अनुसार हालसम्म ३ हजार ४२ जनाको मृत्यु भइसकेको छ ।

अत्यधिक चिसो मौसमबीच उद्धार जारी रहे पनि भग्नावशेषमा पुरिएका व्यक्तिहरूलाई जीवितै भेटाउने सम्भावना कम हुँदै गएकाले सङ्ख्या अझै बढ्न सक्नेछ उद्धारमा खटिएका संस्थाहरुले बताएका छन्।