राेल्पा लुङ्ग्री गाउँपालिकाको प्रशासकीय भवन शिलन्यास, लागत रू. ७ कराेड ४३ लाख
राेल्पा। राेल्पाकाे लुङ्ग्री गाउँपालिकाको प्रशासकीय भवनकाे शिलन्यास भएकाे छ ।
गाउँपालिका अध्यक्ष भरतकुमार थापाले बिहीबार गाउँपालिकाको प्रशासकीय भवनको शिलान्यास गरेका हुन् ।
भवनको लागत ७ करोड ४३ लाख ८४ हजार ७ सय ६८ रुपैयाँ लागत रहेको भवनको निर्माण ठेक्का स्मृति विशाल नारायण जेभी राङ्सीले पाएको छ ।
पुस २१ गते भएको सम्झौता अनुसार किलाचौरमा निर्माण हुने भवन सम्पन्न गर्ने अवधि २ वर्ष तोकिएको छ ।
सम्झौतामा पालिकाको तर्फबाट प्रमुख प्रशासकीय अधिकृत धर्मराज बुढा र निर्माण कम्पनीको तर्फबाट निरज शर्माले हस्ताक्षर गरेका छन् । गाउँपालिकाले आर्थिक वर्ष २०७९/८० मा भवन निर्माणका लागि बजेट स्वीकृत गरेको थियो ।
शिलान्यास कार्यक्रममा गाउँपालिका उपाध्यक्ष दिलकुमारी गुरुङ, ५ नं वडा अध्यक्ष रिखबहादुररोका, प्रमुख प्रशाकीय अधिकृत धर्मराज बुढा, ईन्जिनियर वरुणप्रसाद राजवंशी, प्रशासन शाखा प्रमुख भुपेन्द्र गिरी, आर्थिक लेखा शाखा प्रमुख निमराज सुवेदी, योजना शाखा प्रमुख आदर्श केसी, शिक्षा यूवा तथा खेलकुद शाखा प्रमुख भेषबहादुर बिष्ट लगायतको उपस्थिति रहेको थियो ।
कार्यक्रममा स्वास्थ्यशाखा सह(संयोजक दिपा बिष्ट, कृषि सेवा शाखा प्रमुख भुपेन्द्रकुमार पाण्डे, पशुसेवा शाखा प्रमुख दिलकिरण केसी, पञ्जीकरण शाखा प्रमुख सुन्दर घर्ती, ५ नं वडा सचिव गणेश बिष्ट, रोजगार सेवा केन्द्रका प्रमुख शिषम बिष्ट, महिला तथा बालबालिका शाखा प्रमुख कल्पना सुवेदी लगायत गाउँपालिकाका कर्मचारीहरु र स्थानीय बासिन्दाहरुको समेत उपस्थिति रहेको थियो ।
