स्याङ्जामा आगलागीबाट एक जनाको मृत्यु
प्रकाशित मिति : 12 February, 2023 11:45 am
स्याङ्जा । स्याङ्जाको वालिङ नगरपालिका वडा नम्बर १४ डाँडाखर्कस्थित आगलागी हुदाँ स्थानीय टिकाराम कुवँरको मृत्यु भएको छ ।
शनिबार दिउँसो २ बजेको समयमा बारी र खरबारीमा आगलागी हुँदा बेहोस भएका कुवँरको प्राथमिक स्वास्थ्य केन्द्र वालिङमा उपचारको क्रममा मृत्यु भएको स्याङ्जा प्रहरी प्रवक्ता डीएसपी रविन्द्र खनालले बताए ।
उनका अनुसार आगो लागेको ठाउँबाट बस्ती एक सय मिटरको दुरीमा रहेको हुदाँ स्थानीयको सहकार्यमा साढे दुई घण्टापछि आगो नियन्त्रणमा आएको छ ।
घटनाको सम्बन्धमा थप अनुसन्धान गरिरहेको जिल्ला प्रहरी कार्यालय स्याङ्जाले जनाएको छ ।
