भारतीय विदेश सचिव क्वात्रा आज नेपाल आउँदै
काठमाडौं । भारतीय विदेश सचिव विनय मोहन क्वात्रा तीन दिने भ्रमणका लागि आज नेपाल आउने भएका छन् ।
परराष्ट्र मन्त्रालयका सचिव भरतराज पौडेलको निमन्त्रणमा नेपाल आउन लागेका विदेश सचिव क्वात्राले आफनो दुई दिने भेटघाटमा प्रधानमन्त्री, राजनीतिक दलका प्रमुख, सरकारी उच्च अधिकारीलगायतसँग भेटघाट गर्नेछन् ।
परराष्ट्र मन्त्रालयका अनुसार क्वात्रा सोमबार बिहान १० : ३० मा काठमाडौं उत्रने कार्यक्रम रहेको छ । उनी आजै नेपाल भारत सचिवस्तरीय उच्चस्तरीय संयन्त्रमा सहभागी हुनेछन् ।
नेपालमा भ्रमणक्रममा क्वात्राले राष्ट्रपति विलादेवी भण्डारी, प्रधानमन्त्री पुष्पकमल दाहाल ‘प्रचण्ड’, परराष्ट्र मन्त्री बिमला पौड्याल राई, नेकपा एमालेका अध्यक्ष केपी ओली, नेपाली कांग्रेसका सभापति शेरबहादुर देउवालगायतलाई भेट्ने कार्यक्रम रहेको छ ।
२ दिने भ्रमण सकेर विदेश सचिव क्ववत्रा मंगलवार स्वदेश फर्कने कार्यक्रम रहेको छ।
