ग्यास विस्फोटमा घाइते भएका सांसद भण्डारीको अवस्था जटिल, उपचारका लागि भारत लगिँदै
प्रकाशित मिति : 16 February, 2023 9:19 am
काठमाडौं । गएराति ग्याँस सिलिण्डर विस्फोटबाट घाइते भएका नेपाली कांग्रेस सांसद चन्द्र भण्डारी र उनकी आमाको अवस्था गम्भीर रहेको उपचारमा संलग्न चिकित्सकले जनाएका छन् ।
विस्फोटबाट २५ प्रतिशत शरीरको भाग जलेका भण्डारीको फोक्सोमा समेत असर परेकाले थप उपचारका लागि भारत लैजाने तयारी भइरहेको छ ।
बुधबार राति खाना खाएर सुतेका भण्डारीको बुद्धनगरस्थित घरमा ग्यास विस्फोट हुँदा सांसद भण्डारी र उनकी आमा घाइते भएका थिए । दुवै जनालाई उपचारका लाग िकीर्तिपुर बर्न अस्पतालमा पुर्याइएको थियो ।
अस्पतालमा उपचारमा संलग्न चिकित्सकका अनुसार भण्डारीको २५ प्रतिशत र उनकी आमाको ७० प्रतिशत शरीरको भाग जलेको छ ।