जन्मदिनमा ओलीले सुरु गरे ‘केपि बा’ युट्युब च्यानल

काठमाडौं । एमाले अध्यक्ष खड्कप्रसाद ओलीले युट्युब च्यानल चलाउन सुरु गरेका छन् । जन्मदिनको सन्दर्भ पारेर ओलीले नयॉ युट्युब च्यानल सुरु गरेका हुन् ।

यसअधि टिकटकमा पनि आधिकारिक एकाउन्ट खोलेका ओलीले केपि बा नाम नयॉ युट्युब च्यानलको सुरुवात गरेका हुन् ।

उनको यो च्यानलमा आउँदो पुस्तालाई आफ्ना अनुभव सुनाउन र स्मरणका लागि राखिने जनाइएको छ ।

अहिलेसम्म उनको यस च्यानलमा ती तीन मृत्यु जसले मलाई छोएर गए शीर्षकमा २५ मिनेट १० सेकेन्डको भिडियो अपलोड गरिएको छ । यो भिडियोमा उनले मृत्युलाई नजिकबाट नियालेका तीनवटा घटना सम्झिएका छन् ।