नेपाल एयरलाइन्सको वेबसाईटबाट टिकट बुक गर्दा आइएमई पेमार्फत भुक्तानी
प्रकाशित मिति : 27 February, 2023 5:23 pm
काठमाडौँ । आइएमई पे र नेपाल एयरलाइन्सबिच आइएमई पे विधुतीय भुक्तानी सेवा प्रधानकर्ताको रूपमा रहने सम्झौता भएको छ । उक्त सम्झौता अन्तर्गत ग्राहकहरूले नेपाल एयरलाइनसको वेबसाईटबाट टिकट बुक गर्दा आइएमई पेमार्फत भुक्तानी गर्नसक्ने कम्पनीले जनाएको छ ।
कम्पनीका अनुसार नेपाल एयरलाइनसको वेबसाईटमा गइ आवश्यकता अनुरूपको गन्तव्य र मिति छानी, मागिएको विवरण भरी चेकआउट गर्ने क्रममा आइएमई पे छनौट गरी सजिलै सकिनेछ ।
ग्राहकवर्गलाई भुक्तानी प्रकृया सहज पार्न र साथै विद्युतीय भुक्तानीलाई अबल पार्ने उद्देश्यका साथ उक्त सम्झौता गरिएको कम्पनीले जनाएको छ ।
