ग्रीसमा रेल दुर्घटना हुँदा २९ जनाको मृत्यु, ८५ जना घाइते
प्रकाशित मिति : 1 March, 2023 10:51 am
काठमाडौँ । ग्रीसमा रेल दुर्घटना हुँदा कम्तीमा २९ जनाको मृत्यु भएको छ । उत्तरी ग्रीसमा दुई रेल एक आपसमा ठोकिदाँ कम्तीमा २९ जनाको मृत्यु भएको हाे भने ८५ जना घाइते भएका छन् ।
मंगलबार साँझ उत्तरी ग्रीसको लारिसा सहर नजिक यात्रुवाहक रेल र मालवाहक रेल एक आपसमा ठोक्किँदा दुर्घटना भएको हो।
त्यहाँ स्थित मिडियाका अनुसार रेलमा ठुलो आगलागी भएको छ । आगो नियन्त्रणमा ल्याउनका लागि १७ वटा वारुणयन्त्रले प्रयास गरेका छन् । एजेन्सी
