युएचएस होल्डिंगले नेपालमा ल्यायो ‘हेफेल डिजाइन स्टूडियो’
काठमाडौँ । इन्टेरियर सम्बन्धी सेवामा अग्रणी कम्पनी युएचएस होल्डिंग हेफेल डिजाइन स्टूडियोको शुभारम्भ गरेको छ । आज बिहीबार गैरीधारास्थित हाफेल सोरुममा आयोजित एक समारोहबिच हाफेले दक्षिण एसियाका प्रबन्ध निर्देशक फ्र्यांक सोडर र युएचएस होल्डिंगका अध्यक्ष पुरुषोत्तम न्यौपानेले यसको संयुक्त उद्घाटन गरेका थिए ।
हेफेलको नेपालस्थित फ्रेन्चाइजको रुपमा रहेको यस नँया डिजाइन इस्टूडियोमा आर्टिटेक्चरल हार्डवेयर, ग्लास फिटिंग, फर्निटर फिटिंग, डिजिटल सेक्युरीटी लाइटिंग, किचेन फिटिंग लगायत अन्य सम्बन्धित उत्पादनहरू “रियल टाइम“ ढंगमा उपलब्ध छन् ।
उक्त कार्यक्रमा हेफेल एवं युएचएस होल्डिंगका प्रतिनिधिहरूले समुन्नत प्रविधि र उत्कृष्ट कार्यकौशलता सम्पन्नका उत्पादनहरूले विश्वका प्रसिद्ध वास्तुकार एवं इन्टेरियर डिजाइनरहरुलाई अभिप्रेरित गरेको बताए । त्यसैगरी उनीहरूले यस ब्राण्ड आफ्ना ग्राहकहरूप्रति पनि प्रतिवद्ध रहेको जानकारी दिए ।
”हामी हेफेल जस्तो इन्टेरियर सेवाको लागि अन्तर्राष्ट्रियरूपमा ख्याती प्राप्त ब्राण्डसँग आवद्ध हुनपाउँदा हर्षित एवं गौरवान्वित छ”, युएचएस होल्डिंगका अध्यक्ष पुरुषोत्तम न्यौपान भन्छन् । नयाँ हेफेल डिजाइन स्टूडियो ग्राहकहरुलाई नवीनतम उत्पादनहरू प्रदान गर्दै उनीहरूको जीवनशैलीलाई नँया उचाईमा पुर्याउन मद्दत गर्ने कम्पनीले जनाएकाे छ ।
युएचएस होल्डिंग उच्चस्तरीय वाथरुम, सिलिङ्ग र रेलिङ्ग फर्निचर लगायतका इन्टेरियर सम्बन्धी उत्पादनहरू प्रदान गरिरहेको छ ।
