श्री एयरलाइन्सका सबै जहाज उडानमा रोक
प्रकाशित मिति : 10 March, 2023 9:52 am
काठमाडौँ । नेपाल नागरिक उड्यन प्राधिकरण (क्यान) ले श्री एयरलाइन्सका सबै विमानको उडानमा रोक लगाएको छ ।
बिहीबार बिहान काठमाडौंबाट भैरहवाका लागि उडेको श्री एयरको विमानको दायाँ भागको इन्जिनमा आगो लागेपछि त्रिभुवन विमानस्थलमा आकस्मिक अवतरण गरिएको थियो ।
सो घटनापछि क्यानले सबै जहाजको प्राविधिक परीक्षण गर्न उडानमा रोक लगाएको हो । घटनाको छानबिन थालिएकाले छानबिन नसकिएसम्म लागि सबै जहाज ग्राउन्डेड गराएको प्राधिकरणले जनाएको छ ।
सन्तोषजनक निरीक्षणपछि मात्र नियमित उडान हुनसक्ने प्राधिकरणले जनाएको छ ।
