प्रकाशकीय: हाम्राे प्रतिवद्धता; शान्ति र समृद्धिका लागि सञ्चार
प्रकाशकीय——
देश विदेशमा रहनु भएका समस्त नेपाली तथा नेपालीलाइ माया गर्ने विश्व समुदायमा बाेधी सञ्चार प्रा.लि. द्वारा प्रकाशित यस लुम्बिनी सञ्चारडटकमकाे तर्फबाट नयाँ वर्ष २०७७ काे हार्दिक मंगलमय शुभकामना व्यक्त गर्दछाैं ।
काेराेना (काेभिड १९) काे महामारीलाइ एकतावद्ध भएर सामना गरिरहेका हामी सबैमा राष्ट्रिय एकता थप प्रगाढ बनेर जाओस् भन्ने कामना गर्दछाैं ।
आमसञ्चार माध्यमका आफ्नै मूल्य मान्यता हुन्छन् । सत्यतथ्य, सन्तुलन र विश्वसनियता (एबीसी) तीन मूल सिद्धान्तभित्र पत्रकारिताका अनुशासन, कानूनी तथा व्यवहारिक दायराहरू समेटिएका हुन्छन् ।
सिद्धान्तः एबीसीकाे पालना गरेर गरिने पत्रकारिताले देश र समाजकाे हित गर्दछ । हामी सिद्धान्तमा प्रतिवद्ध छाैं । सूचना, शिक्षा, मनाेरञ्जन, उत्प्रेरणा मुल उद्देश्य विश्वका मिडियाहरूकाे हुने गर्छ ।
हामी पनि यही उद्देश्यलाइ आत्मसाथ गरेर अगाडि बढिरहेका छाैं । नेपालकाे संविधानका माैलिक हकहरूमध्ये धारा १९ काे सञ्चारकाे हक र नेपालकाे कानूनले चर्चेका अधिकारहरूकाे उपयाेग र धारा ४८ काे कर्तव्य समेत पालना गर्न हामी प्रतिवद्धता व्यक्त गर्दछाैं ।
प्रेस काउन्सिल नेपाल, सूचना तथा प्रकाशन विभाग र नेपाल पत्रकार महासंघले चर्चेका कानूनी दायरा तथा आचारसंहिताकाे पालनामा कुनै कसर बाँकी नराखिने प्रतिवद्धता हाम्राे छ ।
हामी जानाजान गल्ती गर्दैनाै तर अन्जानमा हुने भूललाइ पत्रकार आचार संहिता र कानूनी दायरामा रहेर सच्याउने सामर्थ्य राख्छाैं ।
ब्रगेल्ती खुलेका अनलाइनहरूमध्यकै एक त हाे, याे अनलाइनबाट अपेक्षा गर्न सक्छाैं? अनलाइनलाइ नियमित पछ्याइरहनु भएका वा भर्खर नाम सुन्दै गरेका पाठककाे मनमा यस्ताे प्रश्न आउनु स्वभाविक हाे ।
यसमा हाम्राे स्पष्ट धारणा छ । जति धेरै मिडिया त्यति धेरै समाजका लागि राम्राे कुरा हाे । मिडिया अझै खुल्नुपर्छ तर बजारकाे अवस्थालाइ मध्यनजर गरेर र कानूनी शासनकाे पालना गरेर मात्र मिडिया चल्नुपर्छ भन्ने हाम्राे धारणा छ ।
जागिरमा ६ महिना परिक्षणकाल भएजस्तै हामी पनि जनताकाे जागिरमा परिक्षणकाल पुरा गरिरहेका छाैं । यसबीच हामीले अवलम्बन गरेका नीतिले हामी सफलताकै सिंढीमा छाैं ।
कतिले नाममा नै प्रश्न गर्नु भयाे, याे त क्षेत्रीय मिडिया जस्ताे भयाे । हामीले भन्याैं काेफी अन्न्नान पनि कुनै दुरदराजबाट आएर संयुक्त राष्टसंघ जस्ताे संस्थालाइ नेतृत्व गरेका हुन् नि ! कतिपयले विश्वमै बुद्ध एक छन्, वुद्धभूमी लुम्बिनी भएकाले याे अन्तराष्ट्रिय नाम पनि भन्नु भयाे । एउटा नाम दिनु थियाे, लुम्बिनी दियाैं ।
पछाडी सञ्चार थप्नुकाे पछाडी पनि कारण छ । पत्रकारितामा समाचारका कुरा मात्र हुन्छन्, सञ्चारले पत्रकारितासमेत मिडियाबाट पस्कीने सबै सामग्रीकाे मर्म बाेक्ने भएकाले लुम्बिनी सञ्चार बनायाैं । ढुक्क हुनुहाेस् नाम जे भए पनि हामी काम जनहितमा गर्छाैं ।
दर्जनाैंकाे संख्यामा रहेका मुल धारका मिडिया र संघीय राजधानी केन्द्रीत सयाैं मिडियाकाबीच हाम्रा केही अवधारणा थाेरै फरक छन् । हामीले कुनै वेला विकासे संस्थाहरूले लिएकाे जस्ताे तलबाट माथि (बटम अप एप्राेच) बाट सञ्चार गर्ने प्रयास गरेका छाैं ।
हामीले तीन तहका सरकारमध्य तल्लाे तहकाे सरकार अन्तर्गतकाे वडा र गाउँका कुरादेखि प्रदेश र संघका नीति तथा कार्यक्रम र गतिविधिलाइ सामग्री पस्केका छाैं ।
दशक बढी पत्रकारितामा याेगदान गरेकाे समूहकाे नेतृत्व, सल्लाह, साथ र सहयाेगमा सानाे लगानीमा मिडिया चलाएका छाैं । त्यसैले पनि सुरूवाती चरणमा देशभरीकै गाउँतहसम्म पुग्न नसके पनि मध्य नेपालबाट यसकाे सुरूवात गरेका छाैं ।
विस्तारै फैलदै जानेछाैं । राजधानीमा बसेर गाउँका कुरालाइ प्राथमिकतामा राखेर काम गर्नु चानचुने कुरा हैन । तर हामीसँग भएकाे सानाे समूहसँग ग्रामीण पत्रकारितादेखि राजनीतिक, संसदीय, कर्पाेरेट पत्रकारितासम्मकाे अनुभव भएकाले थप सहज महसुस गरेका छाैं ।
अलिक लामाे लाग्न सक्छ तर थाेरै अनुभव यहाँ बाँड्न चाहन्छाैं । काेराेना महामारीकाे समयमा एक वडाध्यक्षले गरेकाे राम्रा कामलाइ समाचारकाे विषय बनाउदा पाएकाे ताली र विपतमा थातथलाे बाहिर बसेका गाउँपालिका प्रमुखकाे कमजाेरी लेख्दा गालीसमेत पाएका छाैं ।
हामी ताली र गाली दुबैलाइ स्वागत गर्छाैं । कम्तिमा गाली गर्नेले पनि हामीलाइ सत्ताेसराप गर्दै, मान्छेलाइ खटाएर हामीलाइ धम्क्याउन लगाउदै भए पनि मास्क र पीपीइ बाेकेर गाउँ पुग्नु भएकाे छ ।
जनताले सेवा पाएकाे देखेर हामी मख्छ छाैं । जनताकाे पक्षमा लेख्दा साना तिना धम्कीलाइ त पचाउन गाह्राे छैन । र पत्रकारितामा प्रतिक्रिया आउनु ठूलाे कुरा हाे ।
चित्त नबुझेमा गाली नै भए पनि गर्न हामी समस्त पाठक तथा सराेकारवालामा अनुराेध गर्दछाैं । याे पनि हामीले उपलब्धि ठानेका छाैं ।
अन्तमाः यतिन्जेल साथ, सहयाेग दिनुहुने पाठकदेखि सराेकारवाला सबैमा धेरै धेरै धन्यावाद दिन चाहन्छाैं । मुख्य कुरा यसबीच धेरै जनता हामीसँग जाेडिनु भएकाे छ, विश्वास गर्नु भएकाे छ ।
विश्वासकाे लागि आभार व्यक्त गर्न चाहन्छाैं । याे विश्वास कायम राख्न हामीभाथि थप जिम्मेबारी बढेकाे महसुस गरेका छाैं । हामीले नारामै शान्ति र समृद्धिकाे लागि सञ्चार राखेका छाैं ।
झट्ट हेर्दा याे विकासे नारा लाग्न सक्छ । तर हाम्राे अध्ययनले भन्छ जहाँ राेग, भाेक, अशिक्षा र गरिवी हुन्छ त्यहाँ द्वन्द्व हुन्छ, अशान्ति हुन्छ । हामी शान्ति क्षेत्र नेपालकाे पक्षपाती हाैं, यसका लागि मुलुक समृद्ध बन्नुपर्छ ।
तपाइका छरछिमेमा भएका गतिविधि हामीलाइ पठाउनुहाेस् । हामी त्यस विषयमा सराेकारवालाकाे मत लिएर समाचारकाे विषय बनाउछाैं ।
राज्यका निकायरूलाइ पनि हाम्राे अनुराेध छ, तपाइका नीति निर्माण, कार्यक्रमका बारेमा जनतासम्म पुर्याउन हामी प्रतिवद्ध छाैं । सूचना र साथ दिनुहाेला ।
हामी विकास पत्रकारिताकाे अवधारणा अनुसार चल्ने अठाेटका साथ अगाडी बढिरहेका छाैं । साथ, सहयाेग, प्रतिक्रिया दिएर सहयाेग गर्नुहाेला ।
धन्यवाद !
२०७७ वैशाख १ गते साेमबार
