कर्णाली प्रदेशसभा बैठक चैत १२ गते बोलाइयो
प्रकाशित मिति : 23 March, 2023 12:17 pm
काठमाडौं । कर्णाली प्रदेशसभाको बैठक बस्ने भएको छ । झण्डै दुई महिनादेखि स्थगित रहेको प्रदेश सभा बैठक चैत्र १२ गते दिउँसो ३ बजेका लागि बोलाइएको प्रदेश सचिवालयले जनाएको छ ।
कुन विषयमा छलफल गर्ने भन्ने विषय सोही दिन १२ गते १ बजे बस्ने सर्वदलीय बैठकले निर्णय गर्ने सचिव बुढाथोकीले बताए ।
पुस १८ गते प्रदेशसभाको पहिलो बैठक बसेको थियो । सभामुख र उपसभामुख चयन भएपछि छ वटा बैठक बसिसकेको छ । सभामुख माघ १ र ३ माघमा उपसभामुख चुनिएका थिए ।
६ माघमा मुख्यमन्त्री राजकुमार शर्माले संसदबाट विश्वासको मत लिए पनि कर्णाली प्रदेशमा अहिलेसम्म ‘मिनी संसद’ संसदीय समिति समेत गठन हुन सकेको छैन ।
