स्याङ्जामा करेन्ट लगाएर माछा मार्ने तीन चिनियाँ नागरिक प्रकाउ

स्याङ्जा । स्याङ्जाको अर्जुन चौपारी गाउँपालिकामा माछा मार्दै गरेका तीन जना चिनियाँ नागरिक पक्राउ परेका छन् ।

बुधबार राति स्याङ्जाको अर्जुन चौपारी गाउँपालिका वडा नम्बर ३ स्थित दरौँखोलामा करेन्ट लगाई माछा मार्दै गरेको अवस्थामा प्रहरीले पक्राउ गरेको हो । पक्राउ पर्नेमा ४१ वर्षे यो जोङ यु, ३६ वर्षीय का गाहु र ४० वर्षीय यु स्या हु रहेका जिल्ला प्रहरी कार्यालय स्याङ्जाले जनाएको छ ।

जिल्ला प्रहरी कार्यालय स्याङ्जाका अनुसार उनीहरूलाई बरामद गरेको सामग्रीसहित नियन्त्रणमा लिई घटनाको सम्बन्धमा अनुसन्धान गरिरहेको जनाएको छ ।