आईएमई एजेन्ट्स मार्फत अब अन्तर्राष्ट्रिय हवाई टिकट खरिद गर्न सकिने

काठमाडौँ । आईएमई लिमिटेड तथा आईएमई डिजिटल सोलुसन लिमिटेडका साझेदार एजेन्टहरू मार्फत हवाई यात्रुहरूले सजिलै अन्तर्राष्ट्रिय हवाई टिकट काट्न पाउने भएका छन् ।

यस सेवा मार्फत देशभरि छरिएर रहेका आईएमईका हजारौं साझेदार एजेन्ट्ससँग यात्रुहरूले सुपथ मूल्यमा अन्तर्राष्ट्रिय हवाई टिकट खरिद गर्न सक्ने आईएमई ग्रुपले जनाएको छ ।

आईएमई ग्रुपका अनुसार साझेदार एजेन्टहरुले ‘आईएमई एजेन्ट पोर्टल’ मार्फत नै अन्तर्राष्ट्रिय हवाई टिकटको मूल्य, उडानको तालिका हेर्न तथा तुलना गर्न सक्ने व्यवस्था मिलाएको छ ।

यस सेवा मार्फत समग्र पर्यटन उद्योगको विकास तथा प्रर्वद्धनमा टेवा पुग्ने विश्वास आइएमई ग्रुपको रहेकाे छ ।