विश्व प्रेस स्वतन्त्रता दिवस मनाइँदै
काठमाडौँ । आज मे ३ विश्व प्रेस स्वतन्त्रता दिवस मनाइँदै छ। सन् १९९१ मा ऐतिहासिक विन्डहोक घोषणा गर्ने अफ्रिकी पत्रकारहरुको आह्वानको प्रतिध्वनि स्वरुप सन् १९९३ देखि संयुक्त राष्ट्रसङ्घले प्रेस स्वतन्त्रता दिवस मनाउने थालिएको हो ।
युनेस्कोको आयोजनामा अफ्रिकी राष्ट्र नामिबियाको विन्डहक शहरमा भएको पत्रकारहरूको सम्मेलनले ‘बहुलवादी र स्वतन्त्र प्रेसको लागि विण्डहक घोषणापत्र’जारी गरेको थियो। त्यसैको सम्झनामा सन् १९९३ देखि संयुक्त राष्ट्रसङ्घले प्रेस स्वतन्त्रता दिवस मनाउन थालिएको हो ।
राष्ट्रसङ्घको यो निर्णयसँगै मे ३ लाई प्रेस तथा अभिव्यक्ति स्वतन्त्रताका पक्षधरले विषेश दिनका रूपमा लिन्छन्। आज संसारभर प्रेस स्वतन्त्रताको महत्त्वका बारेमा चर्चा गरिँदै छ ।
‘भविष्यको अधिकार सुनिश्चितताः मानव अधिकारको संवाहक अभिव्यक्ति स्वतन्त्रता’ भन्ने नाराका साथ युनेस्कोले यो दिवस मनाइदैछ ।
