सुनिलस्मृति गाउँपालिकाद्वारा नगर प्रहरी भर्ना
राेल्पा । राेल्पाकाे सुनिलस्मृति गाउँपालिकाले नगर प्रहरी भर्ना गरेको छ ।
गाउँपालिकाले ५ जना नगर प्रहरी भर्ना गरेको हो । भर्नापछि तालिम पुरा गरेका नगर प्रहरीलाई गाउँपालिका अध्यक्ष मणिराम बुढाथोकी लगायतले दज्र्यानी चिन्ह प्रदान गरेका छन् ।
नगर प्रहरी सहायक निरीक्षकमा चेतमान विष्ट रहेका छन् भने नगर प्रहरी जवानमा टेकेन्द्र बिक,गितराम घर्तीमगर, अर्जुन सुनार र सदिक्षा महरा नियुक्त भएका छन् ।
वैशाख १ गते छनौट भएका ५ जना नगर प्रहरीलाई ईलाका प्रहरी कार्यालय सुलिचौरका प्रहरी नायब निरीक्षक अंगबहादुर शाहीले तालिम दिएका थिए । औपचारिक तालिमपछि नगर प्रहरीलाई आज दज्र्यानी चिन्ह प्रदानसहित कार्य क्षेत्रमा खटाइएको गाउँपालिकाले जनाएको छ ।
नगर प्रहरी भर्नाका लागि गाउँपालिकाले गत माघ २२ गते सूचना निकालेको थियो । गाउँपालिकाले नगर प्रहरी सहायक निरीक्षक खुल्लाबाट र नगर प्रहरी जवान खुल्लाबाट २ जना समावेशी महिलाबाट १ जना र आदिवासी जनजातिबाट १ जना छनौट गरेको हो ।
