‘सिन्धुपाल्चोक अन्तर्राष्ट्रिय समाज नेपाल’ को प्रथम भेला सम्पन्न
काठमाडौँ । ‘सिन्धुपाल्चोक अन्तर्राष्ट्रिय समाज नेपाल’ को प्रथम ऐतिहासिक भेला सम्पन्न भएको छ । शनिबार भक्तपुरमा सम्पन्न प्रथम ऐतिहासिक भेलाबाट हरेराम घिमिरेको अध्यक्षतामा १५ सदस्य कार्यसमिति चयन गरिएको हो ।
उपाध्यक्षमा सरोज लामिछाने , महिला उपाध्यक्ष उमा श्रेष्ठ , महासचिव कुमार लामिछाने , सचिव जनकराम पराजुली , कोषाअध्यक्ष मिरा पौडेल ,सहकोषाध्यक्ष , उत्सव खड्का , युवा संयोजक सुरेस तिमल्सिना र महिला संयोजकमा मिरा महर्जन चयन भएका छन् । सदस्यहरूमा सिता न्यौपाने ,समुन्द्र नेपाल ,सुर्य न्यौपाने, दिपक प्रसाद उप्रेती , मछिन्द्र न्यौपाने , उमेश पराजुली रहेका छन् ।
कार्यक्रममा प्रमुख अतिथि प्रतिनिधि सभाका सांसद माधव सापकोटा (सुबोध) ले नयाँ कार्यसमितिलाई थप मजबुत पार्दै नीति नियम र विधानलाई अनुशरण गर्दै अगाडी बढ्न आग्रह गरेका थिए । उनले आफ्नो काम कर्तव्य प्रती सचेत रहँदै प्रवासमा रहेका नेपालीको हक , हित र समस्यामा कार्यसमितिले नेतृत्वदायी भुमिका खेल्ने विश्वास व्यक्त गरे ।
कार्यक्रमा सिन्धुपाल्चोक जिल्लाका विशिष्ट कलाकार , साहित्यकार , पत्रकार , समाजसेवी , विश्वका विभिन्न मुलुकमा रोजगारीका लागि गएका र प्रवासबाट फर्केकाहरूको सहभागीता रहेको थियो ।
