आजदेखि दुई साता मेलम्चीको पानी काठमाडौँमा नआउने
प्रकाशित मिति : 15 May, 2023 11:24 am
काठमाडौँ । काठमाडौँ उपत्यकामा आजदेखि दुई साताका लागि मेलम्चीको पानी वितरण बन्द गरिएको छ । आयोजना स्थलको मुहानमा मर्मत सम्भार गर्न भन्दै पानी वितरण बन्द गरिएको हो ।
सामान्य बाढी आएका बेला पनि आयोजना सञ्चालनमै राख्ने गरी उपकरण जडानसहित मर्मतसम्भार गर्न लागिएको आयोजनाका सिनियर डिभिजनल इन्जिनियर पदमबहादुर कुँवरले जानकारी दिए।
२०७८ असार १ मा मेलम्चीमा आएको बाढीले आयोजनास्थलमा ठूलो क्षति पुर्याएपछि पानी वितरण बन्द भएको थियो । तर मुख्य सुरुङ सुरक्षित रहेकाले ढुंगा माटो पन्छाएर २०७८ चैत अन्तिमतिर पुनः पानी वितरण गरिएको थियो ।
