नेपालमा एकैदिन १४ मा कोरोना संक्रमणको पुष्टि, संक्रमतिको संख्या ३० पुग्यो
प्रकाशित मिति : 17 April, 2020 7:44 pm
काठमाडौं, ५ वैशाख।
एकै दिन १४ जना कोरोना संक्रमित भेटिएका छन् ।
उदयपुरमा आज १२ र चितवनमा २ जना संक्रमित भेटिएका स्वास्थ्य तथा जनसंख्या मन्त्रालयले पुष्टि गरेको छ ।
अहिलेसम्म १६ जना मात्रै संक्रमित भएकोमा आज एकै दिन १४ जना संक्रमित भेटिएका हुन् । उदयपुरको भुल्केमा रहेको मस्जिदमा रहेका १६ जना मध्य १४ जनामा कोरोना संक्रमण पुष्टि भएको हो । उदयपुरका १२ जना नै पुरुष रहेका छन् । उनीहरु क्रमशः ३४, २९, २६, २८, २८, २८, २८, २२, २५, २०, ४० र २९ बर्षका छन् ।
त्यस्तै चितवनमा २७ बर्षिय पुरुष र ६३ बर्षिय महिला रहेका छन् । राप्ती नगरपालिका ८ का आमा छोरामा कोरोना संक्रमण रहेको भेटिएको छ । उनीहरु बेलायतबाट आएको खुलेको छ ।
