कोरोना संक्रमित युवती टेकु अस्पतालबाट निको भएर घर फर्किन्
प्रकाशित मिति : 18 April, 2020 1:35 pm
काठमाण्डौं, ६ बैशाख।
कोरोना भाइरस संक्रमित एक युवती अस्पतालबाट डिस्चार्ज भएकी छन् ।
शुक्रराज ट्रपिकल तथा सरुवा रोग अस्पताल टेकु काठमाण्डौंको आइसोलेशनमा उपचार गराईरहेकी काठमाण्डौंकी प्रसिद्धी श्रेष्ठ डिस्चार्ज भएकी हुन् । उनी नेपालमा कोरोना संक्रमित दोस्रो व्यक्ति हुन् ।
उनी २७ दिनको उपचारपछि घर फर्किएको स्वास्थ्यमन्त्री भानुभक्त ढकालका प्रेस संयोजक माधव तिवारीले जानकारी गराएका छन् ।
कोरोना संक्रमितमध्य निको भएर फर्कने उनी दोस्रो व्यक्ति हुन् । उनी चैत ४ गते फ्रान्सबाट कतारको दोहा हुँदै काठमाडौं आएकी थिइन् ।यसअघि चिनबाट फर्किएका एक व्यक्ति पनि उपचार पछि फर्किसकेका छन् ।
