स्वर्गद्वारी मन्दिर दर्शन गरेर फर्किँदै गरेको तीर्थयात्री चढेको जिप दुर्घटना
प्रकाशित मिति : 12 June, 2023 5:32 pm
काठमाडौँ । प्युठानको स्वर्गद्वारी मन्दिर दर्शन गरेर फर्किँदै गरेका तीर्थयात्री सवार जिप दुर्घटना भएको छ ।
सोमबार दिउँसो स्वर्गद्वारी मन्दिरको दर्शन गरेर फर्किँदै गरेका तीर्थयात्री चढेको लु १ च ६३४५ नम्वरको कार दुर्घटना हुँदा कारमा सवार २ पुरुष, २ महिला र ४ जना बालबालिका सहित ८ जना गम्भीर घाइते भएको इलाका प्रहरी कार्यालय भिग्रीले जानकारी दिएको छ ।
प्रहरीका अनुसार गम्भीर घाइते भएका ८ जनालाई उद्धार गरेर उपचारका लागि जिल्ला अस्पताल प्युठान लगिएको छ । घटनाबारे विस्तृत विवरण आउन बाँकी छ ।
