पूर्णबहादुर खड्कालाई कांग्रेसको कार्यवाहक सभापतिको जिम्मेवारी

काठमाडौँ । नेपाली कांग्रेसका उपसभापति पूर्णबहादुर खड्कालाई पार्टीको कार्यवाहक सभापतिको जिम्मेवारी तोकिएको छ ।

कांग्रेसका मुख्य सचिव कृष्णप्रसाद पौडेलले सभापति शेरबहादुर देउवा विदेश गएकाले उनी स्वदेश नफर्कुञ्जेलसम्मका लागि उपसभापति खड्कालाई कार्यवाहक सभापतिको जिम्मेवारी दिइएको जानकारी दिए ।

सभापति देउवा स्वास्थ्य उपचारका लागि गएराति सिंगापुर गएका छन् । उनको अनुपस्थितिमा खड्कालाई कार्यवाहक सभापतिको जिम्मेवारी दिइएको मुख्य सचिव पौडेलले जारी गरेको विज्ञप्तिमा उल्लेख छ ।

देउवा एकसातापछि स्वदेश फर्किने सचिवालयले जनाएको छ ।